Saturday, January 25

हनुमानलाई सिन्दुर अर्पण गर्दा सबै कष्ट नास

धार्मिकशास्त्र अनुसार जीवनमा आउने सारा कष्ट र संकट निवारणका लागी हनुमानको आरधना गर्नुपर्ने उल्लेख छ । जीवन कल्याण र दुखः नाश गर्न हनुमानको आरधनालाई महत्वपुर्ण मानिन्छ ।

शनिवार र मंगलवार मात्र एक कार्य गरेमा हनुमानको आशीर्वाद पाउने गरिन्छ । बजरंगबली हनुमानलाई सिन्दुर अति प्रिय छ ।

त्यसैले हनुमानलाई प्रसन्न गर्ने सबैभन्दा उत्तम उपाय हो, हनुमानलाई सिन्दूर चढाउनु । त्यसैले हनुमानलाई सिन्दूर अर्पण गरी सिन्दुरकै लेप लगाउनु अत्यन्त शुभ मानिन्छ ।

धार्मिक मान्यतामा सिन्दूरको महत्व

हिन्दू धर्ममा सिम्रिक रंगको सिन्दूरलाई अत्यधिक महत्वका साथ हेरिन्छ । सिन्दूरको प्रयोगले दाम्पत्य जीवनको शुरुवात गर्ने वा विवाहपछि पनि सौभाग्य बनाइ राख्ने विश्वास गरिन्छ।

महिलाले यसलाई सौभाग्य प्रतिकका रुपमा श्रृंगारमा प्रयोग गर्दछन् । साथै मंगल ग्रहसंग सिन्दुरको बिषय जोडिएको छ । त्यसैले सिन्दुरलाई मंगलकारी मानिन्छ ।

पौराणिक कथा अनुसार रामायणमा सीताले आफ्नो शिरमा सिन्दुर धारण गरेको देखेपछि हनुमानले सिन्दूर लगाउनुको कारणबारे सोधेका थिए ।

जहाँ जनक पुत्रि सिताले सिन्दुरको धारण गर्नाले प्रभु श्रीराम प्रसन्न हुने बताएकी थिइन् । त्यसपछि प्रभु श्रीराम भक्त हनुमानले आफ्नो पुरै शरीरमा सिन्दुरको लेप धारण गरेका थिए । मान्यता अनुसार सोहि बेलाबाट हनुमानलाई सिन्दुर अति प्रिय मानिन्छ ।

हनुमानलाई सिन्दूर चढाउने नियम

यदि तपाई लामो समयबाट कुनै तनाव वा समस्यामा हुनुहुन्छ भने हरेक शनिवार र मंगलवारको दिन नुहाएर हनुमानको स्मरण गर्दै सफा वस्त्र धारण गर्ने । त्यसपछि हनुमानको प्रतिमालाई गंगाजलले स्नान गराउने ।

त्यसपछि हनुमानको मुर्ति वा चित्रको सामु सिन्दूर अर्पण गर्ने । यसो गर्नाले मानिसका सारा दुखः, कष्ट तथा तनावहरु हटेर जाने धार्मिक मान्यता छ । हनुमानजीलाई प्रसन्न गराउन सिन्दुर अर्पण गर्नुका साथै सिन्दुर कै लेप लगाउने गर्नुपर्दछ ।

यदि मंगलले बाधा दिएको छ वा कुनै संकट बारम्बार आइरहेको छ भने चमेलीको तेल र सिन्दूर अर्पण गर्नुपर्दछ । पुरुषले हनुमानलाई सिन्दूर अर्पण गर्न सक्छन् तर मान्यता अनुसार महिलाले हनुमानलाई सिन्दूर अर्पण गर्नु हुदैन ।

यदि पटकपटक जागिरबाट हात धुनु परेको छ वा जागिरमा समस्या आइरहेको छ भने मंगलवारको दिन हनुमानको प्रतिमाको चरणमा सिन्दूर दान गर्नुपर्दछ ।

त्यसपछि सेतो कपडा वा कागजमा सोहि सिन्दुरलाई हनुमान प्रतिमाको सामु स्वस्तिकको चिन्ह बनाएर हनुमानको आरधना गर्नुपर्दछ । यसो गर्ने मानवको सबै समस्या हट्ने धार्मिक विश्वास छ ।

प्रतिकृया दिनुहोस्